Излезе новиот број на списанието за книжевност и култура АКТ
Списанието АКТ и во овој број донесува разновиден избор од поезија и проза од автори од повеќе генерации, како и критички осврти.
Главниот уредник Братислав Ташковски во уводникот насловен „Време за преиспитување“, се осврнува на новите состојби во културата.
Во овој 61-ви број на АКТ поместен е избор поезија од домашните автори Раде Силјан, Зоран Анчевски, Виолета Танчева-Златева, Цане Ризески, Љубинка Донева, Марина Мијаковска, Снежана Стојчевска и Митко Апостолов, добитник на наградата „Антологија на болката“ на 54. Рацинови средби.
Со проза се застапени Блаже Миневски и Никола Кочовски, а критичко-есеистичкиот дел го пополнуваат Иван Џепаровски, Ана Витанова-Рингачева, Кристина Николовска, Лидија Капушевска-Дракулевска, како и Ацо Гогов, со опсежен осврт на 13. Интернационален филмски фестивал „Астерфест“.
Новиот број на АКТ е збогатен и со препеви од 16 бугарски поети, како и со десетина песни од истакнатиот српски автор Радомир Виденовиќ, во препев на Славе Ѓорѓо Димоски.
Списанието АКТ може да се најде во книжарниците на Издавачки центар ТРИ, во Дебар Маало и во ГТЦ.
Ново на Сител
-
Во Скопје има 180 пожарникари, а потребни се над 450 - Подобри услови ќе бараат од новата Влада
-
Преглед на вестите од светот
-
Европската комисија повикува на почитување на Преспанскиот договор
-
Се одбележува 20 мај - Денот на пожарникарите
-
Стабилна состојба на работникот, кој се здоби со тешки повреди во лифт во штипски угостителски објект
-
Високиот крвен притисок причина број еден за смртни исходи
-
Преглед на вестите од светот
-
Тема на денот со Џевдет Хајредини