Изјави на грчките политичари на денешните предвремени парламентарни избори
Грција ќе има влада уште вечерва, изјави лидерот на партијата Независни Грци Панос Каменос при денешното гласање на Крит.
- На денешните избори граѓаните треба да одлучат дали да го дадат својот глас на доверба за утрешниот ден на земјата. Сакам да испратам порака за слога и единство, рече Каменос додавајќи дека најголем непријател на земјата е поделбата и корупцијата.
Како што јави дописникот на МИА од Атина, лидерот на Потами Ставрос Теодоракис, кој исто тка гласаше на Крит, повика на компромис.
- Од вечерва треба да сме подготвени за мали и оправдани компромиси. Да не се враќаме назад кон минатото. Грција може да успее, рече Теодоракис.
Лидерката на ПАСОК, Фофи Генимата ги повика сите гласачи кои во минатото гласале за нејзината партија, да го сторат тоа и денеска.
Предводникот на новоформираното Национално единство, Панајотис Лафазанис ги повика младите гласачи да гласаат и да кажат „не“ на договорот со кредиторите на земјата и на политиките на штедење.
- Младите не треба да апстинираат од гласање и треба да му се спротивстават на разочарувањето, ако сакаат да не бегаат во странство и да најдат работа во сопствената татковина, рече Лафазанис.
Лидерот на Комунистичката партија на Грција, Димитрис Куцумбас ги повика гласачите да излезат на гласање и да ја поддржат неговата партија.
Вкупно девет милиони и 837 илјади Грци денеска гласаат на вторните предвремени парламентарни избори годинава.
Во изборната трка учествуваат 14 политички партии и пет коалиции кои се натпреваруваат за 300 места во грчкиот парламент.
Ново на Сител
-
Реал Мадрид е највредниот фудбалски клуб во светот
-
Вардар прв финалист во ракометниот Куп на Македонија
-
Неизвесен победникот на претседателските избори во Полска
-
Нормализиран сообраќајот на делницата Демир Капија – Смоквица
-
33-годишна жена загина, а шест лица се повредени во сообраќајка на автопатот Тетово-Гостивар
-
Во Појасот Газа за еден ден загинаа најмалку 60 луѓе, а 284 се повредени
-
Коњановски ја посети локацијата каде падна кран на градежен објект во Битола
-
ОЈО поведе постапка против скопјанец за семејно насилство кон партнерката и нејзината мајка