Изгореа два тона тутун во пожар во Прилеп

Околу два тона тутун изгореле вчера во пожар во куќа во Прилеп.

Како што соопшти полицијата, пожарот избувнал околу 15:30 часот во куќа сопственост на С.Ѓ. (1948), на улицата „Борка Талески“, а е изгаснат два часа подоцна, во 17:15 од страна на дежурните противпожарни единици.

Според С.Ѓ., освен што изгорел тутунот, има и оштетување на куќата.

Увид ќе се врши во текот на денов.