-->
-->
Избори до 3 мај во Србија: Власта и опозицијата се договорија
-->

Претставниците на српската власт и опозиција на денешниот дијалог со посредство на ЕП одлучија парламентарните избори да се одржат најдоцна до 3 мај идната година, изјави претседателката на Парламентот, Маја Гојковиќ.
Како што јави дописникот на МИА од Белград, Гојковиќ на прес-конференцијата после денешните меѓупартиски разговори за подобрување на изборните услови, соопшти дека е договорено претседателот на Србија да донесе одлука за датумот во рамките на границите што му се дадени со Уставот за крајниот датум за одржување избори.
Моја проценка е дека по низата дискусии во овие три рунди, успеавме за кратко време да усвоиме или сме во фаза на усвојување на заклучоци за кои се согласивме – истакна Гојковиќ.
Таа додаде дека се пристигнати предлози за Надзорниот одбор на српскиот Парламент, кои ќе бидат разгледани на следната седница, додавајќи дека изборниот список е транспарентен и дека се донесени измени на законите поврзани со функционерската кампања.
Гојковиќ, исто така, рече дека е договорено да се изберат нови членови на РЕМ.
Според Законот, претседателот на државата ги распишува изборите 90 дена од денот на конституирање на сегашниот Парламент, што беше на 3 јуни 2016 година, врз основа на што изборите треба да бидат распишани на почетокот на март.
Оттогаш до денот на гласањето не може да поминат помалку од 45 и повеќе од 60 денови, така што изборите може да се одржат најдоцна до 3 мај.
Во дијалогот меѓу власта и опозицијата, со посредство на претставниците на ЕП, договорено е да се одржат редовни парламентарни избори што е можно подоцна во рамките на уставните рокови, со цел да се обезбеди доволно време за исполнување на сите договорени обврски, како дел од заклучоците на денешната последна рунда од дијалогот.
Во заклучоците, посредниците во дијалогот исто така повикаа на најшироко можно учество на изборите со цел граѓаните да имаат потребен плуралистички демократски избор.
-->
-->
-->
Ново на Сител
-
Во стабилна состојба повредените од пожарот во Кочани
-
Уапсени двајца 18-годишници во Скопје за палење огномет во денови на жалост
-
Семејствата добиваат поддршка
-
19 годишниот Јован од Виница успеал да спаси многу млади животи од катастрофата во дискотеката во Кочани
-
Коцевски: Сите закони и прописи постоеле на хартија, но речиси ниту еден не се применувал
-
Затворени уште два локали во Тетово, контролите продолжуваат
-
Се уште нема правда ниту за Ласкарци, ниту за модуларната болница – Можно ли е реотворање на судските процеси?
-
Црвен крст: Собрани повеќе од 30 милиони денари за семејствата на настраданите и повредените