Ивановски со најдобар резултат на 1.500 метри во сала

Дарио Ивановски кој беше единствениот македонски атлетичар на СП во Бирмингем во сала денеска во квалификациите на 1.500 метри постави свој најдобар резултат на оваа делница и го освои 17.место во вкупен пласман во конкуренција на 22 атлетичари, а двајца од пријавените не стартуваа.

Ивановски трчаше во првата група (од трите групи) и го освои 6.место со време 3:51.83 минути што е негово најдобро време, а на шампионатот во Бирмигем беше пријавен со време 3:52.59 минути.

Актуелен македонски рекордер во оваа дисциплина во сала е Ване Стојанов со време 3:51.13 минути во 1997 година.

Нашиот единствен претставник на ова СП за половина секунда не успеа да го собори македонскиот рекорд. Ивановски со ова ја потврди добрата форма откако на Балканијадата во Истанбул беше четвртопласиран на 3.000 метри.