Иванов-Плевнелиев: Да се интензивираат преговорите за договорот за добрососедство
Бугарија е подготвена во секој момент да излезе со поддршка за Македонија и во НАТО и во европските интеграции. За преговорите за договорот за добрососедство заеднички став на двајцата претседатели е дека треба да се вклучат и самите министри за надворешни работи, со цел договорот поскоро да се финализира, изјави денеска во Софија македонскиот претседател Ѓорге Иванов по средбата со неговиот бугарски колега Росен Плевнелиев, јави известувачот на МИА.
- Имавме одлична средба со претседателот Плевнелиев во конструктивен дух, со многу начини како да дојдеме до решение за прашања како што е договорот за добрососедство кој се уште, за жал не е затворен. Затоа заземавме став да се вклучат министерствата, па дури и министрите директно за конечно таа работа да се затвори која на некој начин е препрека и за другите иницијативи кои ги имаме меѓу нашите две земји. Бугарија е подготвена во секој момент да излезе со поддршка за Македонија и во НАТО и во европските интеграции. Затоа што заеднички констатирвме дека може на се да влијаеме, но не и на географијата. Ние сме биле и остануваме соседи, народи кои живеат и делат еден ист простор кој се соочува со исти предизвици, особено сега со бегалската криза која го оптоварува целиот регион, рече Иванов.
Тој, како што рече, охрабрен од искажувањата на бугарскиот претседател очекува интензивирање на соработката меѓу двете земји.
- Затоа не охрабрува сето она што го кажа претседателот Плевнелиев дека многу од идеите и иницијативите кои ги изложивме се прифатливи и дека веројатно не чека еден период со Бугарија кога ќе имаме навистина прогрес во сите сфери. Бугарија е четврти-петти трговски партнер на Македонија, и тоа со ваква каква што имаме инфраструктура дојдовме до тоа ниво во економијата. Истото не очекува следниот период да се случи и во политичките односи затоа што навистина имаме меѓусебна доверба и начин на комуникација како што доликува на два први соседи, рече Иванов.
Во однос на спогодбата за добрососедски односи шефот на државата истакна дека очекува да се интензивираат разговорите по локалните избори во Бугарија кои се закажани за 25 октомври.
- Претстојат локални избори во Бугарија. Веројатно тоа ќе се случи по изборите. Изборите се време на кампањи, на различни интерпретации. Веројатно тоа што го очекуваме би требало да се случи по завршувањето на локалните избори во Бугарија кога работните групи, но и самите министерства ќе ја интензивираат соработката. Напредок има, но станува збор за разлики по основ на нијанси во формулациите, вели претседателот Иванов.
Ново на Сител
-
Физички нападнат 51-годишник од две лица по претходна случена сообраќајна несреќа
-
Украдено товарно возило на АРМ пронајдено во Кисела Вода
-
Две лица пукале кон 36-годишник од с.Грчец, се здобил со повреди во ногата од огнено оружје
-
Фондот за здравство работи на формирање тимови за рехабилитација на повредените во Кочани
-
Бугарското Собрание усвои резолуција во врска со напредокот на земјава во ЕУ
-
140 луѓе во тетовската болница не зеле плата 2 месеца
-
Град во источна Германија нуди 14 дена бесплатен престој и можности за работа
-
Поплави во Романија се закануваат да го загрозат еден од најголемите европски рудници за сол