Иванов ќе го додели признанието „Инженерски прстен 2016“

Претседателот на Република Македонија Ѓорге Иванов денеска ќе го додели признанието „Инженерски прстен 2016“ на најдобрите студенти кои дипломирале на инженерските дисциплини. Настанот ќе се одржи попладне на платото пред манастирскиот комплекс „Свети Наум Охридски“ кај Охрид. 

„Инженерски прстен“ е традиционална манифестација организирана од Инженерската институција на Македонија и Комората на овластени архитекти и овластени инженери, а под покровителство на претседателот Ѓорге Иванов.

- „Инженерски прстен“ претставува поттик за изучување на инженерството и придонес за формирање квалитетен инженерски подмладок, компатибилен со развиените земји, соопшти Кабинетот на Претседателот на РМ.