Иванов до Хан: Средба нема – моите ставови се непроменети
Претседателот на Република Македонија, д-р Ѓорге Иванов, нема да оствари средба со еврокомесарот за проширување, Јоханес Хан, информираат за Press24 од Кабинетот на Претседателот. Од таму велат дека претседателот Иванов, кој вчера престојуваше во работна посета на Унгарија, во Македонија ќе се врати доцна вечерва, при што нема можност за средба со еврокомесарот Хан.
Дека Иванов во својата агенда не планира средба со еврокомесарот Хан и со тројцата европратеници уште во петокот му било соопштено на амбасадарот Самуел Жбогар, велат од Кабинетот на шефот на државата. Претседателот Иванов своите ставови веќе му ги соопшти на еврокомесарот за проширување Јоханес Хан на нивната последната средба на 10 февруари 2017 година и тие остануваат непроменети.
Претседателот Иванов јасно и недвосмислено порача дека нема да определи мандат, без претходна јавна осуда и отфрлање на платформата од Тирана. Со оглед на тоа дека Претседателот нема да оствари средба со еврокомесарот Хан, од Кабинетот велат дека претседателот Иванов предвидениот термин им го отстапува на претставниците од граѓанската иницијатива „За заедничка Македонија“, кои бараа средба со Хан. Добро е еврокомесарот да се запознае со аргументите и причините поради кои македонските граѓани протестираат повеќе од дваесетина дена, велат од Кабинетот на Иванов. Претседателот Иванов вчера престојуваше во работна посета на Унгарија, каде оствари средби со претседателот на Унгарија, со премиерот и со претседателот на унгарскиот Парламент.
Ново на Сител
-
Мерки на општина Атина поради најавените високи температури
-
Туфегџиќ: Зошто по секоја цена се инсистираше Александар да биде дел од оваа постапка?
-
Утре и во петок многу топло со високи температури
-
Одбележана годишнината од раѓањето на претседателот Борис Трајковски
-
„Јапонската вежба со одење“ го намалува крвниот притисок
-
Сиљановска-Давкова: Имав пријатен разговор со премиерот на Бугарија, потребно е меѓусебно да се разбираме, почитуваме и помагаме
-
Муцунски во Хаг: Единството е најсилната алатка за справување со заедничките закани
-
Порастот на температурите ги зголемува ризиците од труење со храна, да се направи правилен избор при нејзина набавка