Италијанскиот Парламент одржува седница за избор на претседатели на двата дома
Новиот состав на италијанскиот Парламент денеска се собра на првата седница, по изборите на 4 март, на која се очекува да бидат избрани претседатели на Претставничкиот дом и Сенатот.
Седницата на Сенатот ја почна највозрасниот член, 92-годишниот почесен претседател и доживотен сенатор Џорџо Наполитано, кој истакна дека резултатите од изборите се одраз на длабоката промена во ставот на Италијанците кон политичарите.
Ниту една партија или коалиција не беше поддржана од 40 или повеќе проценти од гласачите и не располага со мнозинство. Најсилни се Движењето Пет ѕвезди (М5С) со 32 проценти од гласовите и десноцентристичка коалиција составена од десничарската партија Лигата, конзервативната Форца Италија на поранешниот премиер Силвио Берлускони и националиситчката Италијански браќа на Џорџо Мелони.
Во Долниот дом седницата почна со половина час задоцнување и ја водеше најстариот потпретседател од претходниот состав, реизбраниот пратеник на Демократската партија, Роберто Џакети.
Сенаторите денеска ќе гласаат за избор на претседател на Горниот дом во два круга. Ќе победи кандидатот кој ќе добие апсолутно мнозинство гласови. Со оглед на тоа што ниту една политичка партија нема мнозинство, за избор на претседател ќе бидат потребни компромиси.
Слична е ситуацијата и во Долниот дом каде за да добие поддршка од мнозинството, кандидатот ќе биде номиниран од страна на партиите врз основа на компромисниот договор за претседател.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o