Истражување: Коалицијата, предводена од Саудиска Арабија, е одговорна за колерата во Јемен
Повеќето смртни случаи, предизвикани од епидемијата на колера во Јемен, настапиле во регионите контролирани од бунтовниците, во кои, заради воздушните напади и блокадата на коалицијата предводена од Саудиска Арабија, е прекинато снабдувањето со храна и вода, се посочува во истражувањето на лондонскиот универзитет „Кралица Мери“, цитирано од британските медиуми.
Според истражувачите, осум од секои десет фатални случаи на болеста се регистрирани во реоните под контрола на бунтовниците од движењето Хуси, кои веќе две години водат војна против меѓународната коалиција, што ја поддржува Владата во Сана.
Јемен се бори со најтешката епидемија на колера во светот, смета Светската здравствена организација (СТО).
Од почетокот на епидемијата, пред околу четири месеци, досега се заболени над половина милион лица, а приближно 2.000 починаа, соопшти СЗО на почетокто на оваа недела.
Воздушните напади разурнаа животно важна инфраструктура во земјата, вклучувајќи и болници и јавни водоснабдителни системи, погодија цивилни реони и на луѓето им ја наметнаа потребата од преселување и живеење во пренаселени и несанитарни услови, посочуваат истражувачите.
Според извештајот, коалицијата предводена од Саудиска Арабија е одговорна за смртоносната епидемија, бидејќи предизвикала недостиг од храна, лекарства, гориво и хлор и го ограничила хуманитарниот пристап.
Во Јемен секој ден има нови 5.000 случаи на колера.
Ново на Сител
-
Од детство во војна до пензија во независна држава | Атанас Костовски | Sitel Podcast 061
-
ЦУК: Можни излевања и проблеми во градовите ако има поројни дождови
-
Кривичен: Oдложени следните две рочишта за случајот со убиствата на Вања и Панче
-
Муниција и експлозив пронајдени во дом во Козле, поведена истрага против едно лице
-
Премиера на филмот што го однесе Алек Болдвин на судење за убиство
-
Кривична пријава против шест затворски полицајци за „овозможување бегство на лице лишено од слобода“
-
Поплави ширум Црна Гора
-
Агелер: Немате поголем поддржувач и партнер во остварување на вашите цели од САД