Исландскиот премиер побара распуштање на Парламентот заради „Панамските документи“
Претседателот на Исланд, Олаф Рганар Гримсон, денеска ја скрати посетата на САД и се врати во Рејкјавик, каде премиерот Сигмундур Давид Гунлаугсон од него побара да го распушти Парламентот под притисок на барањето да поднесе оставка, по повод тврдењето дека имал офшор компанија вредна милион долари.
Претседателот Гримсон веднаш закажа состанок со главните партии во земјата, јави исландската телевизија.
Непосредно пред неговото враќање во земјата, илјадници демонстранти побараа премиерот Гунлаугсон да си замине од функцијата, фрлајќи јајца и јогурт врз зградата на Парламентот, а уште еден протест е закажан за попладнево.
Премиерот Гунлаугсон и министерот за финансии, Бјарни Бенедиктсон, кој, исто така, го скрати својот престој на Флорида за да се врати во земјата, се наведени во финансиските документи познати како „Панама пејперс" (Панамски документи) што ги објави Меѓународниот конзорцијум на истражувачки новинари (ИЦИЈ).
Според „Панама документите“ четириесет и едногодишниот Гунлаугсон и неговата сопруга, Ана Сигурлауг Палсотир, во декември 2007 година ја купиле офшор компанијата „Винтрис Инк“, на Девствените острови. На крајот на 2009 година тој на сопругата и го продал својот удел од 50 отсто за симболична сума од еден долар, пренесуваат француските медиуми.
Нему му се забележува дека кога бил избран во Парламентот, во април 2009 година, кало член на Прогресивната партија на десниот центар, не го пријавил уделот во сопственоста на холдингот.
Скандалот со „Панамските документи“ предизвика бројни деманти на светските лидери и познати личности кои возвраќаат дека не работеле ништо лошо. Некои од најпознатите личности зафатени со скандалот велат дека имаат нефер третман во момент кога повеќе влади отвораат истрага за затајување данок и други малверзации врз основа на „Панамските документи“.
Ново на Сител
-
Роналдо повторно е најплатениот спортист во светот
-
Јувентус ќе игра против Милан во полуфиналето на италијанскиот Суперкуп
-
Ѓоковиќ: Никогаш нема да кажам кој е најдобар тенисер во историјата
-
Управниот суд денеска ќе расправа по тужбите на Европскиот фронт
-
Разговорите за нова влада во тек, Управен треба да одлучува по одлуките на ДИК за прегласување
-
САД одобрија потенцијална продажба на воена опрема на Украина во вредност од 100 милиони долари
-
Од денеска почнува пријавувањето за бесплатно подигнување кабаст отпад во сите населби во Кисела Вода
-
Министерство за одбрана на Русија: Неутрализирани повеќе од 100 украински беспилотни летала при ноќни напади