Свет
4. January 2021 - 8:51

Исламските екстремисти во Нигер убија стотина луѓе

Премиерот на Нигер, Бриги Рафини потврди дека при вооружен напад на исламските екстремисти врз две села во западниот дел на Нигер убиени се околу сто луѓе.

Рафини по посетата на селата што беа на мета на напаѓачите истакна дека тоа бил еден од најсмртоносните напади во земјата.

Во Нигер чести се вооружените напади на екстремистите кои се поврзани со Ал Каеда и со Исламска држава, посебно во западниот дел на земјата, долќ границата со Мали и Буркина Фасо.

Покрај нападите врз цивилите чести се нападите и помеѓу ривалските фракции за обработливо земјиште.