Исчистен одронот кај Долно Косоврасти, сообраќајот нормализиран
Исчистен е големиот одрон на патниот правец Дебар – Маврово, делница Дебар – село Долно Косоврасти, и сообраќајот е нормализиран.
Одронот од околу 50 кубни метри камен и земја кој беше паднат на коловозот во 9 часот, беше исчистен за три часа со максимална ангажираност на вработените на дебарската секција на Јавното претпријатие за одржување на магистрални и регионални патни правци.
– Поради одронот кратко сообраќајот беше во прекин а сега истиот е целосно нормализиран. Поради обилните дождови, изминатите два дена, чести, но, помали одрони, има долж сите патни правци кои се под наша надлежност. Затоа препорачуваме внимателно возење и строго почитување на патната сигнализација, апелираат од секцијата.
Под надлежност на дебарската секција се делницата Дебар-Жировница, на патот кон Маврово, Дебар-Глобочица, кон Струга, патот Мелнички Мост – Центар Жупа, кракот од Бошков мост кон селата од Мала Река, како и патот кон граничниот премин „Блато“ или во вкупна должина од околу 120 километри.
Ново на Сител
-
Министерски состанок за Агендата за Западен Балкан за иновации, истражување, образование, култура, млади и спорт
-
Израелската војска соопшти дека извршила „десетици“ нови напади против Хезболах во Либан
-
Парламентарни избори во Австрија
-
Најмалку 100 луѓе го загубија животот во поплавите во Непал, 67 се водат како исчезнати, училиштата се затворени
-
Сообраќајот на државните патишта се одвива непречено
-
Повремени врнежи и грмежи и засилен северен ветер
-
Адвокатот кој стана министер за внатрешни работи | Панче Тошковски | Неформално | Sitel Podcast 059
-
Мајка го тепала синот и кршела по дома, таткото пријавил во полиција