Инсталација на постер-фотографии во Битола „Бегалец сега – човек секогаш“
Со инсталација на постер-фотографии денеска во Битола почнаа активностите на проектот „Бегалец сега – човек секогаш“.
Проектот е на претставништвото на УНХЦР, Високиот комесаријат за бегалци при Обединетите Нации во Скопје, а го спроведуваат Центарот за човекови права и разрешување конфликти во соработка со Центарот за истражување, образование и развој – Центар РЕД од Скопје.
Проектот има за цел подигнување на свеста на јавноста за бегалците, нивните права и потреби. Инсталацијата во јавен простор која се состои од неколку различни елементи поставени на плоштадот „Магнолија“ во Битола, ќе биде изложена три дена, од 9 до 11 ноември до кога граѓаните ќе можат да ги посетат поставките секој ден од 10 до 16 часот.
Во рамки на проектот се спроведува и обука на млади невработени лица селектирани преку локалните младински здруженија во наведените градови. Обуката е на повеќе теми, односно човекови права, дискриминација и права на бегалците. Дел од нив по обуката ќе бидат платено ангажирани во проектните активности и со тоа ќе имаат можност да стекнат работно искуство и да ги збогатат своите биографии. Со тоа се продолжува праксата на УНХЦР при помагањето на бегалците во земјава да се вработува локалното население, што е веќе принцип на работа во прифатните центри Винојуг и Табановце.
Ново на Сител
-
Тема на денот со Петар Арсовски, политички аналитичар
-
Бугарскиот амбасадор повикан на разговор во МНР поради пробиениот протокол на средбата Силјановска - Радев
-
Навреди од ко-претседавачот
-
Комитетот утре влегува во М-НАВ, од нив зависи дали и Обвинителството ќе отвори истрага
-
Какви незаконски работења откриле контролите на Фондот за здравствено осигурување во ЈЗУ
-
Вреди: Без амин од ДУИ ниту една фирма не може да добие ниту еден денар
-
Ѓорѓиевски: Градоначалниците се недопирливи
-
Обид за убиство во Кочани - напаѓачот е фатен и приведен