Свет
23. May 2016 - 10:59

Индија: При лизгање на земјиште загинаа десет градежни работници

Најмалку десет градежни рабтници загинале во свлечиште предизвикано од силен ветер во северна Индија, соопштија денеска локалните власти. 

Поради свлечиштето и силниот ветер, во сојузната држава Утраканд, во регионот на Хималаите, исто така се повредени пет работници, кои во тој период работеле на изградба на пат, пренесува Танјуг. 

- Пронајдовме тела на на десет луѓе, а повредените ги префрливме во болница, изјави шефот на полицијата Дехрадун Садананд Дате. 

На подрачјето на Хималаите свлечиштата се чести, воглавно во сезоната на монсуните, кога земјата станува нестабилна поради силниот дожд.