Илон Маск поседува 9,2 отсто од акциите на „Твитер“
Извршниот директор на „Тесла“ и „Спејс-Икс“, Илон Маск сега поседува 9,2 отсто од акциите на „Твитер“, откако за тоа уплати 2,89 милијарди долари. Ова значи дека тој во мигов е најголемиот поединечен акционер во оваа компанија. Инаку, тој е еден од највлијателните корисници на Твитер, со повеќе од 80 милиони следачи.
Ова се случува една седмица откако Маск јавно го критикуваше Твитер дека не е доволно демократски насочен. Во анкета потоа, тој ги праша своите следачи дали сметаат дека Твитер „ригорозно се придржува“ до принципот на слобода на говор како алатка „суштинска за функционалната демократија“. Потоа навести дека има план и резултатите од анкетата ќе бидат важни за некои натамошните чекори…
Сега, се чини, можеби се виде што имал на ум – да го промени Твитер однатре. Иако 9,2 отсто од акциите не му даваат моќ радикално да ги промени работите во компанијата, тие ќе му овозможат поголемо влијание врз идните одлуки.
Тој сега има и добра позиција да преговара со Твитер за купување дополнителни акции наредниов период, што на крајот би му овозможило активно и поагресивно влијание врз стратешките одлуки.
Ново на Сител
-
Тема на денот со Лилјана Поповска
-
Гордана Силјановска Давкова положи заклетва во Парламентот и ја презеде функцијата претседател
-
Гордана Силјановска Давкова положи заклетва во Парламентот и ја презеде функцијата претседател
-
Ни Северна, ниту Република: Силјановска се заколна во Македонија - стигнаа реакциите
-
Борисов: Мицкоски ми е добар пријател, го повикувам да престане да зборува, изборите поминаа
-
Дали градинките не треба да примаат родители на завршните приредби поради голема кашлица?
-
Македонските водичи бараат поголеми контроли од инспекторите
-
Националната мрежа на земјоделци бара системски решенија за македонскиот аграр