Илон Маск ја продаде својата компанија „Х“ на друга своја компанија
Милијардерот Илон Маск објави дека ја продаде својата социјална платформа Икс (Х) на својата компанија за вештачка интелигенција „икс ЕјАј“ (xAИ).
Маск на својот Икс профил прецизираше дека договорот за сите акции е во вредност од 45 милијарди долари, вклучително и долгот од 12 милијарди долари. Според договорот, „икс ЕјАј“ се проценува на 80 милијарди долари, додека Икс на 33 милијарди долари.
-Иднината на „икс ЕјАј“ и Икс се испреплетени. Официјално го преземаме чекорот за комбинирање податоци, модели, пресметување, дистрибуција и талент. Комбинираната компанија ќе испорача поинтелигентни, поосмислени искуства на милијарди луѓе, а во исто време ќе остане доследна на нашата основна мисија за барање вистина и унапредување на знаењето, посочи Маск.
Според него тоа ќе овозможи да се изгради платформа, која не само што го одразува светот, туку и активно го забрзува човечкиот напредок.
Маск Твитер го купи во октомври 2022 година за околу 44 милијарди долари и ја преименува платформата во Икс.
Ново на Сител
-
Честитка од премиерот Мицкоски за изборот на новиот папа Лав XIV
-
Прв говор на папата Лав Четрнаести: Бог нè сака сите, безусловно
-
Девизните резерви на крајот на април 4,77 милијарди евра
-
Македонските ракометари ја совладаа Естонија во евроквалификациите
-
Американецот Роберт Превост е новиот папа, со избрано име Лав 14
-
Кардиналот Ре се надева дека вечерва ќе биде избран новиот папа
-
Скопската полиција на лице место фати криминалци кои краделе во објектите на поранешна Железара
-
Кривична против 39-годишник, ја следел неговата поранешна партнерка и упатувал закани преку пораки