Илиоски до Заев: Како можете да си играте со чувствата на родителите на убиените деца кај Смилковско езеро

Пратеникот Зоран Илиоски на денешната седница за пратенички прашања се обрати до Зоран Заев и го праша како може да манипулира и да си игра со чувствата на родителите на децата кои што беа убиени кај Смилковското езеро.

Илиоски му нагласи на Заев дека токму тој бил човекот кој што на родителите им давал информации дека има снимени разговори во кои се дознава кои се луѓето кои директно се вмешани во овој монструозен чин. Ова го потврдија родителите на убиените деца и имаа надеж дека правдата ќе биде задоволена.

-Им велевте на родителите дека имате разговори на еден од оние директно вмешаните во случајот со Смилковското езеро. Манипулирате и си играте со чувствата на родителите на тие деца. Кого штитите господинот Заев, праша Илиоски.