И Обама сега има профил на Фејсбук
Американскиот претседател Барак Обама отвори личен профил на Фејсбук, а страницата во првите три часа од активирањето имаше 200.000 „лајкови“.
Ова е уште еден потег на Белата куќа во обид да ги шири своите пораки преку социјалните мрежи. Обама од многу одамна има профил на Твитер, политичката кампања ја водеше преку Фејсбук. Сепак, целта на овој профил е Обама да се прикаже „како обично момче“.
Во „поздравниот“ видео пост, Обама на посетителите им го покажува дворот на Белата куќа, наведувајќи дека често гледа лисици и други, како што се изрази, суштества.
Обама ја искористи можноста да испрати порака за климатските промени, пред самитот во Париз кон крајот на месецот.
- Здраво, Фејсбук! Конечно имам личен профил. Се надевам дека на ова ќе гледате како на место каде можете сериозно да разговарате за најважните прашања со кои нашата земја се соочува, како место каде директно од мене можете да слушнете некои работи и да ги споделите сопствените размислувања и приказни, наведе Обама во поздравната порака.
Ново на Сител
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово
-
Лични документи можат да се подигнат и во среда
-
Демири: Владата ги презеде трошоците за лекувањето на Леонид Индов
-
Народниот правобранител со бесплатна телефонска линија за пријавување повреда на избирачко право
-
Демири најави разрешување на медицинскиот директор на Токсикологија
-
Кочанчанец за една ноќ извршил шест кривични дела
-
Почина затвореник во „Идризово“