Хоти и Вучиќ на средби во Брисел денеска и утре
Косовскиот премиер Авдулах Хоти и српскиот претседател, Александар Вучиќ ќе се сретнат со претседателката на Европската Комисија (ЕК) денеска и утре.
Претседателката Урсула фон дер Лајен ќе го прими премиерот Хоти доцна попладнево, а Вучиќ в петок наутро. И двајцата ќе имаат одделни средби и со еврокомесарот за проширување, Оливер Вархеји, најави портпаролот на ЕК, Ерик Мамер.
Европската Унија сака да го рестартира дијалогот за нормализација на односите помеѓу Белград и Приштина во текот на јули. Дијалогот е замрзнат од крајот на 2018, но двете страни изразија подготвеност да се вратат на преговарачката маса.
Поради хашкото обвинување против Хашим Тачи, косовскиот премиер, Хоти, ја откажа посетата на Вашингтон каде требаше да присуствува на заедничка средба со Вучиќ.
Европската Унија порача дека не го коментира откажувањето на оваа посета и повтори дека процесот под покровителство на ЕУ е одвоен од обидите на американската администрација.
За сега не е познато кој ден точно ќе се одржи средбата во Брисел, ниту кој ќе ги застапува двете страни.
-ЕУ е посветена на рестартирањето на дијалогот но ние не диктираме кои се нашите соговорници, изјави портпаролот Петер Стано.
Стано потврди дека Белград и Приштина го увериле Брисел дека се посветени на рестартирањето на преговорите.
Европската Унија не го коментира ниту обвинението на Хашкиот Суд против Тачи, но нагласи дека „силно ги поддржува овие институции и нивната работа“.
Ново на Сител
-
Скопјанец доби условна казна затвор за ширење омраза за коментари поврзани со Парадата на гордоста
-
Изминатите два дена 1452 сообраќајни прекршоци, 258 за брзо возење
-
Дачиќ: Нема потреба за вонредни избори; Брнабиќ: Студентите да му се обратат на Вучиќ
-
ЕУ повика на дијалог меѓу Индија и Пакистан
-
Израел се заканува дека ќе му го направи на Техеран она што му го направи на Хамас во Појасот Газа
-
Јермак: Украина и сојузниците разговараа како да извршат притисок врз Русија за 30-дневен прекин на огнот
-
Николоски: Арсовска целосно потфрли, ќе понудиме квалитетен кандидат за Скопје
-
Си Џинпинг пристигна во Кремљ на средба со рускиот колега Путин