Хорор: Потпален човек на антивладините протести во Каракас
Еден антивладин демонстрант, осомничен дека е крадец, бил жив запален за време на протестите во главниот град на Венецуела, Каракас на кои веќе 50 денови се бара оставка на претседателот Николас Мадуро.
Венецуелските медиуми јавуваат дека 21-годишниот Орландо Хозе Фигуера се здобил со изгореници по целото тело од 80 отсто, како и дека лекарите во болницата откриле убоди од нож.
Во текот на протестите во источниот дел од Каракас, во кои е потпален несреќниот човек, биле повредени други 46 лица.
Министерот за информации, Ернесто Виљегас напишал на Твитер дека станува збор за „растечко лудило“ во земјата.
Во градот Валера, во западниот дел од Венецуела, полицијата соопштила дека еден студент бил убиен, а други три лица биле повредени, кога непознат, вооружен маж, почнал да пука врз демонстрантите.
Вкупно 48 лица досега се убиени во текот на демонстрациите и уличните немири, за кои власта ја обвинува опозицијата.
Канцеларијата на државниот обвинител го потврди инцидентот со убиството на студентот, но не објаснува кој е човекот што пукал врз невооружените демонстранти во Валера.
Независно истражување, направено на интернет, покажува дека седум од десет граѓани на Венецуела се против актуелниот претседател Мадуро кој се обвинува за политичкиот хаос и за економско-финансискиот крах на земјата.
Венецуела има најголеми утврдени резерви на нафта во светот, но земјата нема пари за набавка на основните потреби на луѓето, вклучувајќи ја храната и лековите, затоа што економијата е целосно разурната.
Инфлацијата е највисока во светот и изнесува 700 отсто на годишно ниво.
Ново на Сител
-
Ужас во Скопје: Го киднапирале и го натерале да се самозапали
-
Оливер Миланов ја презеде функцијата директор на Агенција за храна и ветеринарство
-
Злате Мехмедовиќ ќе биде новиот директор на Клиниката за физикална медицина и рехабилитација
-
Франција распореди 30.000 полицајци поради страв од немири на денот на изборите
-
Кој е Кир Стармер, идниот британски премиер?
-
Србија е единствениот кандидат за ЕУ што не ги почитува новите одлуки поврзани со Украина и Северна Кореја
-
ВМРО-ДПМНЕ: Не се заборава штетата што ја нанесе СДСМ
-
Муцунски – Јовановиќ: Двете земји одржуваат и негуваат одлични билатерални односи