Хил: Се надеваме дека Србија ќе разбере дека ова е поинаква Русија и ќе воведе санкции кон Москва
Амбасадорот на САД во Србија, Кристофер Хил, изјави дека денешна Русија е „поинаква“ од онаа во минатото, дека Европејците и Американците го разбираат тоа и оти се надева дека Србија ќе го разбере тоа и ќе воведе санкции против Москва поради инвазијата врз Украина.
Хил синоќа во програмата „Интервју“ на телевизијата „Инсајдер“ го отфрли тврдењето дека Србија е под „огромен притисок“ затоа што не вовела санкции кон Русија и додаде дека дел од нејзиниот пат кон ЕУ е и усогласувањето на надворешната политика.
„Не верувам дека има огромен притисок врз Србија. На Србија неколкупати учтиво и беше кажано дека треба да воведе санкции, некои беа построги од другите, но постои разбирање дека Србија е во единствена ситуација“, додаде Хил.
На прашањето зошто не е доволно што Владата на Србија јасно ја осуди руската агресија врз Украина и ги потпиша речиси сите резолуции на ОН и ЕУ кои се однесуваат на неа, Хил рече дека тоа е точно, но дека Белград добил репутација дека „се обидува да седне на две столчиња“ – да биде близок и со Русија и со Европа.
Зборувајќи за тоа дека Србија е речиси целосно зависна од Русија кога е во прашање снабдувањето со гас, Хил рече дека треба да се направат напори да се најдат други извори на енергенси.
Ново на Сител
-
Гордана Сиљановска Давкова и официјално претседател на државата, ДИК објави конечност на изборните резултати
-
Партијата на пензионери ја честита изборната победа на Коалицијата „Твоја Македонија“
-
ДИК треба да објави конечност на резултатите од претседателските избори и потоа да достави извештај до Собранието
-
ЕК: Србија и Косово ризикуваат да ги пропуштат средствата од Планот за раст поради недостиг од дијалог
-
Белата куќа „загрижена“ за Рафа, но се уште не гледа „голема“ израелска операција
-
Сообраќајот на државните патишта се одвива непречено
-
Променливо облачно и потопло со сончеви периоди
-
ВМРО-ДПМНЕ демантира дека разговара за ресори и поделба на власта со „Вреди“