Хамас: Нема напредок во преговорите со Израел, САД ни вршат притисок
Високиот функционер на милитантната исламистичка група Хамас, Осама Хамдан денеска изјави дека нема напредок во преговорите за прекин на огнот со Израел во војната во Газа.
Напорите на арапските посредници поддржани од САД досега не доведоа до договор за прекин на огнот.
Условот на Хамас е договорот да стави крај на војната и да доведе до целосно повлекување на Израел од Газа, додека Израел вели дека ќе прифати само привремени паузи во борбите додека групата Хамас, која е на власт во Газа од 2007 година, не биде искоренета. Хамдан, исто така, ги обвини САД дека вршат притисок врз Хамас да ги прифати условите на Израел.
„Уште еднаш Хамас е подготвен да даде позитивна изјава за секој предлог што обезбедува траен прекин на огнот, сеопфатно повлекување од Појасот Газа и сериозен договор за размена“, рече Хамдан, мислејќи на потенцијалната размена на заложници во Газа за Палестинците во израелски затвори.
Кога милитантите предводени од Хамас го нападнаа јужниот дел на Израел на 7 октомври, тие убиле околу 1.200 луѓе и зеле повеќе од 250 заложници, според израелски извори. Одмаздничката офанзива на Израел досега однесе речиси 38.000 животи, според Министерството за здравство на Газа, и ја остави густо изградената крајбрежна енклава во урнатини.
Ново на Сител
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени