Групата „Батаљон Имам Шамил“ ја презеде одговорноста за нападот во Санкт Петербург
Група под името „Батаљон Имам Шамил“ ја презеде одговорноста за неодамнешниот бомбашки напад во метрото во Санкт Петербург, во кој беа убиени 16 лица, и соопшти дека бомбашот постапил по наредба на Ал Каеда, јавија британските медиуми, повикувајќи се на набљудувачката група СИТЕ.
Тврдењето на оваа малку позната група првично го објави мавританската агенција АНИ, која често пати ја користат џихадистичките групи од западна и северна Африка за објавување на нивните соопштенија.
Во соопштението, објавено синоќа на сајтот на групата СИТЕ, се наведува дека бомбашот Акбарџон Џалилов, еден од „витезите на исламот“ во „Батаљонот Имам Шамил“, извел херојска операција...во градот Санкт Петербург, што се поклопило со посетата на злосторникот Путин“
Во соопштението се вели и дека нападот врз метрото бил одмазда за руското насилство врз муслиманските земји, меѓу кои како примери се наведуваат Сирија и Либија, но и руската република Чеченија.
- На руската Влада, која очигледно не извлекла поуки од поразот во Авганистан, и порачуваме: оваа операција е само почеток, а тоа што допрва следи ќе го фрли ова досега во сенка, со помош на Алах, се наведува во сооопштението, во кое се навестува дека во иднина против Русија ќе има уште убиствени напади, заклучуваат британските медиуми.
Ново на Сител
-
Клековски: Лекови мора да има и ќе има за сите– имаме решение за проблемите во здравството
-
Истрага за две разбојништва извршени од 25-годишник во Скопје
-
ОН бараат Израел да го прекине „незаконското“ присуство на Западниот Брег и Источен Ерусалим во рок од 12 месеци
-
Најмалку тројца загинати, стотици ранети во нови експлозии во Либан
-
Исчезнато 45-годишно лице со здравствени проблеми од скопска Кисела Вода
-
Ограбена спортска обложувалница во Чаир
-
Драчевчанец споделувал експлицитни содржини од неговата малолетна девојка
-
Малолетник нападнат од повеќе лица во средно училиште во Бутел