Груевски промовира нови седум мерки за младите
Седум нови мерки и проекти за младите од различни области најави денеска претседателот на ВМРО-ДПМНЕ Никола Груевски пред членовите на Унијата на млади сили.
Со првиот проект е предвидено да се намали партиципацијата за 50 проценти за студенти од самохрани и еднородителски семејства, по што следат проекти за основање и отворање на национална математичка гимназија во Скопје, за стимулација за упис на техничките факултети, за изградба на нов современ конгресен центар во Охрид. Со проектите е предвидено и изградба на нов отворен базен во рамките СЦ „Борис Трајковски“ во Скопје, возобновување на објектот на некогашната учителска школа во Скопје, како и изградба на современи бини за настани и манифестации на шест плоштади во Скопје.
Според Груевски, станува збор за седум значајни проекти за младите кои се доказ за посветеноста на ВМРО-ДПМНЕ кон создавање дела и нивниот влог за подобар живот на младите.
Со претходните проекти кои ги промовираше ВМРО-ДПМНЕ, како што рече Груевски, за околу два месеци понуди 34 проекти за млади.
- Тоа се 34 различни проекти прецизно обмислени со конкретни рокови и динамика на реализација, 34 проекти зад коишто стои нашиот труд и нашата визија за младиот човек, рече Груевски.
Ново на Сител
-
Почна судењето за случајот„Адитив“ – ниту еден од обвинетите не чувствува вина
-
Вработени во Општата болница Прилеп осомничени дека украле над 2,2 милиони денари
-
Дали Весна Дамева смеела да гласа за нов претседател на Врховниот суд?
-
Пратенички прашања во Собранието, Трајко Славески ја превзема функцијата Гувернер на НБРМ
-
Мицкоски: Нема да мрднам ниту милиметар додека не видам македонци во бугарскиот Комитет за малцинства
-
Повредените пациенти стравуваат дека ќе останат без д-р Кате, надлежните со итна реакција
-
Андоновски и Перински во работна посета на Естонија
-
Оперативниот план за Владата е визија за подобар живот на 16.000 граѓани, а за СДСМ параван за партиски вработувања