Грците ги наполнија парковите и плажите и покрај рестрикциите и карантинот
Несвојствено топлото време за овој период од годината и високите температури, во комбинација со затворени кафулиња и ресторани, веројатно се главните причини голем број Грци неделното претпладне да го искористија за прошетка и да ги наполнат парковите и плажите, иако земјата официјално е во карантин, јави дописничката на МИА од Атина.
Во повеќе атински населби, сликата е речиси идентична, со кафе за носење, со маска и со испратена смс порака за физичка активност, граѓаните излегоа од нивните домови, а особено голема е раздвиженоста во населбите што се во близина на морето.
Во голем дел од кфулињата што се отворени за кафе за носење, има редици, а зголемен е и сообраќајот на улиците.
Температурата во Атина денеска достигна до 21 степен, а на Крит 28 степени целзиусови.
Карантинот во Грција започна на 7 ноември 2020 година, неколку пати се продолжуваше, а според последните одлуки, ќе трае до 18 јануари, доколку не биде повторно продолжен.
За излегување од дома, граѓаните потребно е да имаат испратено смс порака и одбрано една од шесте опции.
Се чини дека Грците, најмногу ја користат опцијата шест, за физичка активност.
Од почетокот на пандемијата во Грција се регистрирани 144.293 случаи на Ковид-19, а починаа вкупно 5.227 лица.
Ново на Сител
-
Кампања на Царинска управа „Стоп за корупција“ за зголемување на свеста за опасностите кои ги носи корупцијата
-
Шалтерите на ЈП Водовод и канализација - Скопје утре ќе работат до 15:30 часот, понеделник е неработен ден
-
Папата Франциск нема да ги предводи велигденските богослужби во Ватикан
-
Сообраќајот на автопатот Демир Капија-Смоквица од денеска само по левиот тунел
-
Без струја неколку скопски општини, без вода дел од Кисела Вода
-
Велики четврток, почнуваат велигденските празнувања
-
Зеленски: Русија го игнорира предлогот на САД за прекин на нападите
-
Трамп соопшти дека е постигнат „голем напредок“ во трговските преговори со Јапонија