Грчки војници-Албанци добија по 60 дена затвор за фотографија на која со рацете прават орел
Седммина грчки воени регрути од албанска националност, кои се фотографираа како со рацете прават орел, добија казна затвор во траење од по 60 дена, јави тиранската телевизија Топ чанел.
Истиот извор наведува дека по 50 дена затвор тие добиле од началникот на Генералштабот на грчката Армија, додека другите десет дена им ги изрекол министерот за одбрана на Грција, Панос Каменос, што претставува максимална дисциплинска казна во грчките Вооружени сили.
Како што јуави дописникот на МИА, казната доаѓа во време кога Военото обвинителство во Јанина ја продолжува истрагата околу ова прашање кое предизвика лавина рекации во Грција.
Седуммината регрути кои се фотографирани за време на воена вежба во базата во Месолоѓи, се товарат за кршење на правилата во армијата, за што е предвидена казна до пет години затвор.
Фотографијата, според албанските медиуми, тие ја направиле за време на одмор за да ја потврдат нивната национална припадност и оти нема никва позадина за некаква Голема Албанија, како што тврдат медиумите во Грција.
Генералштабот на грчката Армија потврди дека војниците, кои се со албанско потекло, но имаат и грчко државјанство, требало да положат заклетва на 2 февруари.
Инаку, деновиве албанските медиуми пренесоа дека од вкупно 86 илјади војници во Армијата на Грција, дури околу 12 илјади се од албанска националност.
Ново на Сител
-
Вучевиќ: Испратено е барање до ФБИ и до ФСБ за истрага за употреба на звучен топ на протестот во саботата
-
ДПА: ЕУ денеска го објавува планот за спротивставување на Русија
-
Шорц со дабл-дабл ефект му донесе победа на Париз над Милан
-
Мората: Одлуката да го напуштам Атлетико беше погрешна
-
Поминаа 72 часа и нема нови починати од тие што ја преживеаја трагедијата во Кочани, изјави Таравари
-
Организацијата на Ѓоковиќ со тужба до АТП, ВТА, ИТФ и ИТИА
-
Индија би можела да биде домаќин на италијанскиот Суперкуп
-
Адвокатот на Палевски се откажа од одбраната