Грчки пилот го призна убиството на својата сопруга, ја задавил до смрт пред 11-месечната ќерка
Сопругот на младата Британка која наводно била убиена за време на грабеж во нивниот дом и чие тело било пронајдено покрај нејзиното бебе го признал злосторството, објавила грчката полиција.
Бабис Анагностопулос, 32-годишен пилот, со полициски хеликоптер во четвртокот бил пренесен во Атина од островот Алонисос, каде бил на одмор со својата сопруга Каролина Крауч, пишува "The Guardian".
Првично беше објавено дека крадци влегле и жената била задавена до смрт пред нејзината 11-месечна ќерка.
Обвинувал крадци па признал сѐ
Анагностопулос признал се неколку часа подоцна, објавила полицијата на Твитер.
32-годишниот пилот на инспекторите им рекол дека ја убил сопругата по расправија во која му се заканила дека ќе го напушти и ќе го однесе нивното дете.
"Се расправавме таа вечер. Во еден момент го фрли детето во креветчето и ми кажа да излезам од станот. Ме турна и ме удри. Ми се стемни, ја убив, а потоа направив да изгледа како грабеж", им рекол на полициските инспектори.
Полицијата нудела награда од 300.000 евра за информации за злосторството. Грчкиот министер за внатрешни работи Михалис Крисохидис по убиството рекол дека е шокиран од варварското злосторство.
Анагностопулос претходно тврдел дека тројца мажи провалиле во куќата, го врзале и ја убиле неговата сопруга пред да побегнат со 15.000 евра во кеш.
Разбојниците го убиле и семејното куче, тврдел тој.
Полицијата не успеала да пронајде никаков траг од крадците кои наводно го извршиле злосторството, известиле грчките медиуми.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО