Горела деградирана шума над манастирот во Матејче и сува трева на потег покрај пругата кај кумановските села Агино Село, Брзак и Романовце
Сува трева и деградирана шума гореле над манастирот во Матејче, неколку противпожарни екипи се смениле при гасење на пожар на стрништа помеѓу Агино село, Брзак и Романовце, соопшти денеска РЦУК Куманово.
Пожарот над манастирот Матејче избувнал во 19:30 часот, на терен го гаселе противпожарна екипа со тројца пожарникари, вработени во „Национални шуми“.
-Поради лоша конфигурација на теренот е непристапен за гасење. Дополнително го отежнува и намалената видливост во вечерните часови. Екипа на ТППЕ Куманово се врати во својата единица во 21: 40 часот. Една екипа на Македонски шуми остана да дежура во текот на ноќта и се повлекла од местото на настанот околу полноќ, велат од РЦУК Куманово.
Пожарот според последните информации не е активен и на локацијата дежура екипа на „Национални Шуми“, но, во соопштението на РЦУК Куманово се додава дека не е исклучена можноста за повторно активирање на пожарот, поради повисоките дневни температури.
Територијалната противпожарна единица бележи интервенции на опожарена сува трева покрај пругата на потегот помеѓу селата Агино Село-Брзак-Романовце во 16:00 часот. Во гасењето на опожарените површини во текот на денот учествувале пет противпожарни екипи, а во вечерните часови две возила со седум пожарникари кои работеле на догасување на пожарот кој целосно е изгаснат во 22:40 часот.
Ново на Сител
-
Извештајот на Светска банка го нарушува имиџот на земјава
-
Тема на денот со премиерот Христијан Мицкоски
-
Македонски Телеком креираше иновативно решение за телемедицина, единствено во регионот
-
Во Велес утре ден на жалост за тројцата загинати во сообраќајката кај Катланово - другите пет лица се тешко повредени
-
Таравари бара директорите на Детска и Козле да преземат мерки за докторите кои направиле превид
-
ВО ЖИВО: Голема полициска акција
-
Смена во АНБ
-
Четири општини нема да добијат државни пари - Владата го продолжи рокот за да може да аплицираат дополнително