Годишен фолклорен концерт на КУЗ „Фолклористи“
Над двесте млади играорци од Крива Паланка и Бор, Република Србија, синоќа настапија на сцената во Центарот за култура во Крива Паланка на годишниот концерт на културно-уметничкото здружение „Фолклористи“.
Деведесетминутната програма беше исполнета со ора, танци и музика од источна Македонија во изведба на членовите на КУЗ „Фолклористи“ и КУД „8 Октомври“, гости на вечерта од Крива Паланка, а КУД „Новоселиште“ од Бор се претстави со игрите од Шумадија.
- Ова е четврта година по ред како го организираме годишниот концерт на кој се претставија седум групи и првиот ансабл. Настапија над 150 дечиња од разни возрасти кои ги претставија тардиционалниот, но и стилизираниот фолклор. Се играа детски кореографии, „Девојче, девојче“, „Повардарие“, „Бувчанско оро“, изјави Васе Стаменковски, престедател на „Фолклористи“.
Гостите од КУД „Новоселиште“ настапија со „Игри од Мачва“, „Влашко оро“ од источна Србија, „Шумадиски игри“ и обработка на „Зораново оро“ од Љубиша Павковиќ.
Концертот е поддржан од Министерството за култура на Република Македонија.
Ново на Сител
-
Гордана Силјановска Давкова положи заклетва во Парламентот и ја презеде функцијата претседател
-
Ни Северна, ниту Република: Силјановска се заколна во Македонија - стигнаа реакциите
-
Борисов: Мицкоски ми е добар пријател, го повикувам да престане да зборува, изборите поминаа
-
Дали градинките не треба да примаат родители на завршните приредби поради голема кашлица?
-
Македонските водичи бараат поголеми контроли од инспекторите
-
Националната мрежа на земјоделци бара системски решенија за македонскиот аграр
-
Дел од туристите пребирливи во своите барања на одмор
-
Преглед на вестите од светот