Ф1
28. May 2016 - 18:41

ГН Монако: Пол позиција за Рикардо

Возачот на Ред Бул, Даниел Рикардо, ќе стартува од пол позицијата на трката за Големата награда на Монако. Австралиецот во Монако ја освои својата прва пол позиција во кариерата.
 
Трката од првиот ред, веднаш до Рикардо, кој оствари време 1:13.622 минути, ќе ја започне лидерот во генералниот пласман, Нико Розберг, додека неговиот тимски колега и актуелен светски првак, Луис Хамилтон, заедно со пилотот на Ферари Себастијан Фетел ќе стартува од вториот ред. 
 
Трката од петтото до десеттото место ќе ја започнат Нико Хулкенберг (Форс Индија), Кими Раиконен (Ферари), Карлос Саинс помладиот (Торо Росо), Серхио Перез (Форс Индија), Данил Квјат (Торо Росо) и Фернандо Алонсо (Мекларен).
 
Трката за Големата награда на Монако, низ улиците на Монте Карло, ќе се вози в недела од 14 часот.