Ѓорческа меѓу 150 тенисерки во двојки

Македонската тенисерка Лина Ѓорческа успеа да се пробие меѓу 150-те на ВТА листата во двојки. Таа се наоѓа на 146 место (претходно беше 175) откако и беа запишани 150 нови поени (100 - Сен Мало и 50 - Добрич) за победите на двата турнира. Ѓорческа има вкупно 491 поен. Оваа недела во двојки „брани“ 12 поена.

И во сингл конкуренцијаа таа има скок и со 19-те поени (1 за 1.коло во Сен Мало и 18 за полуфинале во Добрич) сега има вкупно 249 и се наоѓа на 210 место (претходно беше 222). Во сингл оваа недела „брани“ 4 поени.

Напредок на ВТА листата има и Магдалена Стоилковска. Таа се наоѓа на 1155 место во сингл (беше 1197) и на 1060 место во двојки (1063).