Ѓоковиќ сака да го повтори рекордот на Федерер на Вимблдон
Српскиот тенисер Новак Ѓоковиќ изјави дека сака да го повтори рекордот на Роџер Федерер по бројот на освоени титули на Вимблдон.
Вчеравечер Ѓоковиќ го победи Италијанецот Лоренцо Музети (6:4, 7:6 (7:2), 6:4) и се пласираше во финалето на Вимблдон 2024 година, во кое ќе се сретне со Шпанецот Карлос Алкараз.
-Да, знам дека Федерер освои осум, а јас седум трофеи овде. Историјата е во прашање. Плус, можам да ја освојам мојата 25-та Грен слем титула. Ова сериозно мотивира, но во исто време врши притисок. Ќе се обидам да го искористам ова како гориво за да го играм мојот најдобар тенис. Секој пат кога ќе стапнам на теренот, дури и ако имам 37 години, а мојот противник има 21 година, очекувам од себе да победам. Секогаш излегувам и давам се за да бидам на нивото на Алкараз, Синер, Зверев, Медведев. 2024 година не беше толку успешна за мене. Можеби ова се најслабите шест месеци во мојата кариера по долго време, и тоа е во ред. Треба да се адаптирам и да ја прифатам ситуацијата, да се обидам да се подобрам по повредата, изјави Ѓоковиќ за „The Tennis Letter“.
Финалето на Грен слемот во Лондон ќе се игра утре од 15 часот.
Ново на Сител
-
Како да се „спасат'' Преспанското и Охридското Езеро?
-
Тема на денот со претседателката Гордана Сиљановска Давкова
-
Бугарскиот амбасадор одби да ја прими протестната нота од МНР, за Сител вели не бил прекршен ниту еден протокол
-
Протестна нота за бугарскиот амбасадор, за МНР потегот е несоодветен и неевропски
-
Радуков со позициите на Радев во МНР, одбил да ја прими протестната нота
-
Комитетот почна со истрага во М-НАВ, за неколку дена се очекува првичниот извештај
-
Уставен суд пред конечна одлука, дали да застарува извршувањето на долговите
-
Есенската кошница ќе се носи следната недела