Ѓоковиќ продолжува да руши рекорди: Му одзеде уште еден на Федерер
Новак Ѓоковиќ продолжува да бележи победи на Мастерсот во Мајами и да поставуваат рекорди. Српскиот тенисер со 37 години и 10 месеци стана најстариот полуфиналист на турнирите во оваа категорија.
Ѓоковиќ во четвртфиналето на Мајами го совлада Американецот Себастијан Корда со 6:3, 7:6 (4) и стана најстариот играч кој стигнал до полуфинале на еден Мастерс во историјата.
Овој рекорд претходно го држеше Роџер Федерер, кој се повлече од тенисот во септември 2022 година. Швајцарецот имаше 37 години и седум месеци кога стигна до полуфиналето на Мајами во 2019. Српскиот тенисер по осми пат во кариерата ќе се натпреварува за финалето на Флорида. Тој го продолжува патот до рекордната седма титула на овој турнир, откако моментално е изедначен со Андре Агаси со шест.
Тој исто така помести уште една граница – бидејќи ќе игра во своето 79. полуфинале на Мастерс турнир. Србинот веќе го остави зад себе Рафаел Надал, кој има 76.
Следен противник ќе му биде Григор Димитров. Двајцата ќе се сретнат вечерва во 20 часот.
Во меѓусебните дуели Србинот води со 12-1. Бугаринот единствената победа ја постигна уште во 2013 година на Мастерсот во Мадрид.
Ново на Сител
-
Зеленски предлага 30-дневно, наместо 30-часовно примирје, како што објави Русија
-
Продолжуваат протестите во Турција поради приведувањето на градоначалникот на Истанбул
-
Почина Тоше Поп-Симонов
-
Москва и Киев разменија воени заробеници пред Велигден
-
Собир на вработени во РТС: Ако раководството не ни се обрати итно – ќе сметаме дека се повлекле
-
Пронајден возачот кој во Скопје со „фиат” удри во тротинет
-
Путин објави велигденско примирје - запираат сите воени операции
-
Бискуп Киро: Велигден не познава ,,наш" и ,,ваш" календар - да се молиме за заедничко чествување затоа што тој му припаѓа на Христос