-->
-->
Ѓоковиќ магично го совлада Алкараз и го освои Синсинати
-->
Со фантастичен пресврт над Карлос Алкараз и резултат 2:1 (4:6, 7:6, 7:6), Новак Ѓоковиќ го освои трофејот на Мастерсот во Синсинати и на тој начин му се реваншираше на својот помлад колега за поразот во финалето на Вимблдон. . Иако имаше здравствени проблеми, најдобриот српски тенисер покажа неверојатна психичка и физичка сила и откако го загуби првиот сет, конечно успеа да ја сврти ситуацијата во своја полза и да освои нова титула. Ѓоковиќ прв направи брејк во воведниот сет, но Шпанецот го откажа во следниот гем, а подоцна со пресврт поведе со 1:0. На стартот од вториот сет се чинеше како се да е загубено. Ѓоковиќ имаше проблеми со дишењето, направи три последователни двојни грешки и се чинеше дека Шпанецот повторно полесно од очекуваното ќе победи против многу поискусен играч. Карлос имаше брејк предност, но Новак со помош на неговиот познат инает возврати и обезбеди тај-брејк. Алкараз мечот го имаше по два часа и пет минути игра. Сепак, сервираше Ѓоковиќ, и потврди дека така лесно нема да му го препушти мечот на Алкараз. Србинот потоа дојде до сет поен, од кој првиот не го искористи, но затоа го зеде вториот и влезе во третиот сет. Пресврт беше седмиот гем, кога Ѓоковиќ погоди на сервис на противникот. Ова беше еден од највозбудливите дуели во поновата тениска историја.
-->
-->
-->
Ново на Сител
-
Почна со работа Работната група за воспоставување на Регистар за недвижниот имот на државата
-
Кривична за автомеханичар од Охрид: Вадел исправни делови од автомобили и ги продавал
-
Австрискиот европратеник Томас Вајц нов известувач на ЕП за Северна Македонија
-
Главниот државен обвинител на Украина поднесе оставка по голем скандал во армијата
-
Најмалку 31 загинат при напад на суданската армија врз џамија
-
По апсењето на Мета, средба на Ненси Ван Хорн и министерот Хоџа
-
Претседателката на ЕК Урсула фон дер Лајен в четврток во Скопје
-
Битолчанец пронашол 10 рачни бомби при чистење на стан