Германски медиуми тврдат дека САД на Русија и понудил 20% од територијата на Украина во замена за мир
Шефот на американската Централна разузнавачка агенција (ЦИА) Вилијам Барнс наводно му понудил на Киев „мир во замена за земја“, а на Москва – „земја во замена за мир“.
Според германскиот весник „Ноје Цирхер Цајтунг“ (НЗЗ), кој се повикува на двајца германски политичари, Барнс, во јануари им предложи на Москва и Киев да склучат мир, според кој 20 отсто од окупираната територија на Украина би била на Русија.
Сепак, двете страни ја одбиле таквата понуда. Во Киев ги отфрлаат сите предлози за поделба на нивната територија, а во Москва се сигурни дека „во секој случај долгорочно ќе ја добијат војната“.
-Оваа верзија на настаните е целосно лажна, изјави неименуван функционер на ЦИА за Њузвик.
Заменикот портпарол на Советот за национална безбедност при Белата куќа Шон Дејвид, рече дека информациите на НЗЗ „не се вистинити“. Официјално, ниту Москва ниту Киев не ја коментираа оваа информација.
Ново на Сител
-
Апасиев: Очекуваме двоцифрен број на пратеници
-
Таравари: Ни треба нов Устав на две заедници
-
Ахмети: Уште поголема победа
-
Ковачевски: Масовна излезност на 8 мај
-
Мицкоски: СДСМ спрема црни сценарија
-
Тема на денот со Неда Малеска Сачмароска
-
Тинекс отвора уште неколку нови маркети, денеска отворен маркетот во О. Илинден
-
Во понеделник се враќа старата цена за осигурување на возилата