Германската индустрија е против прекин на увозот на нафта од Русија

Претседателот на Здружението на германската индустрија (БДИ) Зигфрид Русвурм се изјасни против прекин на увозот на руски енергенси.

– Енергијата стана многу скапа за крајните потрошувачи, како и за индустријата, изјави Русвурм за ЗДФ.

Според него, енергијата за многу индустрии во Германија е значаен фактор за трошоците. Тој додава дека на индустријата и е се потешко рентабилно да произведува производи.

Русвурм бара рационален пристап кон конфликтот.

– Би било наивно да се верува дека приходите од продажбата на гас и нафта сега акутно ја финансираат војната, нагласи тој.

Во однос на германските компании кои се особено погодени од санкциите против Русија, Русвурм бара индивидуален пристап и помош од владата.