Германија дава 50 милијарди евра за да спречи пропаѓање на малите работодавачи
Во Германија почнува исплата на помош за малите работодавци и трговци поединци чии бизниси пропаднаа во екот на пандемијата на Ковид-19.
– Германската бирократија, особено темелна и трома кога станува збор за пари, сега е погребана преку ноќ, пренесува Дојче Веле, додавајќи дека министрите за финансии и економија, Олаф Шолц и Питер Алтмаер, најавија дека се мора да оди „брзо“ и „небирократски“.
Педесет милијарди евра од државниот буџет веќе се насочуваат кон самостојните претприемачи и мали работодавци за надминување на несаканите ефекти од пандемијата на коронавирусот.
Од денеска, буквално сите германски провинции примаат барања, а на државните пари тие претежно додале и свои средства, за да ја подобрат понудата, јави Дојче Веле.
Основата е еднократна исплата до 9.000 евра за следните три месеци, доколку компанијата има до пет вработени, или до 15.000 евра со најмногу 10 вработени. Оние што ги земаат овие пари нема да мораат да ги вратат назад.
Идејата е да им се помогне на оние што најпрво би можеле да го почувствуваат колапсот на економијата – мали ресторани, кафулиња, таксисти, земјоделци, слободни уметници.
Ново на Сител
-
Орбан за планот на Зеленски: Тоа е повеќе од страшно
-
Мицкоски: Владата потврди 270 општински проекти за кои ќе се вложат 4 милијарди денари
-
Во Велес утре Ден на жалост поради сообраќајната несреќа во Катланово
-
Таравари очекува од директорите на клиниките да преземат мерки за починатото бебе
-
Пратениците од албанската опозиција се судрија со обезбедувањето на влезот во Собранието
-
Со мотор удри во паркиран автомобил -Тешко повредена малолетничка во Кавадарци
-
Тешко повреден работник во компанија во Кавадарци
-
Таравари: За законот за правична застапеност повторно ќе ангажираме експерти со „сенс“ за оваа работа