Генерален штрајк во Грција
Двата најголеми синдикати во Грција денеска организираат генерален штрајк во знак на протест против усвојувањето на буџетот на земјата.
Како што јави дописникот на МИА од Атина, ова е втор 24-часовен општ протест откако Владата на Сириза дојде на власт, кој ги опфаќа јавните услуги и транспортот.
Болниците во Грција денеска ќе работат со основен персонал, јавниот транспорт ќе се одвива со големи потешкотии, затоа што нема да работат некои линии на метрото и на градските автобуси и тролејбуси, а нема да има ниту возови, затоа што на штрајкот ќе се приклучат и вработените во грчката железница „Траиносе“. Се протпоставува дека ќе има нарушувања и во воздушниот сообраќај.
Против владините мерки на штедење вчера штрајкуваа и грчките медиуми. Весниците не излегоа, а немаше ниту вести на телевизиите и радијата.
- Работниците во медиумите, заедно со сите работни луѓе на нашата земја, повикуваат да се задржи сцијалната сигурност ( основни и дополнителни пензии), социјалните бенефиции, здравствениот систем, се вели во заедничката изјава на синдикатите на новинарите.
Меѓу барањата на грчките новинари е и Владата да воспостави професионален фонд за осигурување.
Протестот беше организиран вчера, еден ден пред денешниот генерален штрајк против донесувањето на буџетот за следната година, со цел медиумите да известуваат за денешниот настан.
Ново на Сител
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект