Г-20 треба да обезбеди финансирање на борбата против миграциската криза

На средбата на високо ниво на Г-20 што треба да се одржи на 15 и 16 ноември во Турција треба да се обезбеди финансирање на борбата со мигрантската криза, се наведува во заедничката изјава на претседателот на Европскиот совет Доналд Туск и претседателот на Европската комисија Жан-Клод Јункер.

- Г-20 има голема одговорност да гарантира доволно финансирање на меѓународните организации, кои им помагаат на бегалците. Ние соработуваме со турската Влада за да гарантираме конкретен резултат, се посочува во заедничката изјава.

Туск и Јункер посочуваат дека на средбата во Турција треба да се разговарта за мигрантската криза предизвикана од конфликтите во Сирија на други места и оти „Г-20 треба да одговори на предизвиците и да даде координиран и иновативен одговор“.

- Таквиот оддговор треба да доведе и до зајакнување на солидарноста на меѓународната заедница во областа за заштита на бегалците, се истакнува во изјавата.