Француската Влада е против патување во странство
Во Франција, како една од земјите каде коронавирусот зеде најмногу жртви, сѐ уште владејат рестриктивни мерки.
Парковите се затворени за користење, а француската Влада дури сега размислува од идната недела да дозволи патување во рамки на државата, но најмногу до 100 километри од местото на живеење.
Се препорачува ова лето да не се патува во странство и одморите да се поминат на домашен терен, изјави министерката за животна средина, Елизабет Борн.
Таа во интервју за Радио Ентер, пренесува Ал Џезира, рекла дека се размислува идната недела да се дозволи патување во Франција до сто километри од местото на живеење.
Париз сѐ уште се смета за жариште на коронавирусот.
Меѓутоа, градоначалникот на Париз бара од Владата да ги отвори парковите за користење, бидејќи граѓаните главно живеат во станови без или со мали тераси.
На почетокот на овој месец францускиот претседател, Емануел Макрон, изјави дека е малку веројатно дека француските граѓани ова лето ќе патуваат на далечни дестинации и дека најверојатно и патувањата во Европа ќе бидат ограничени.
Во Франција досега починаа повеќе од 28.000 луѓе.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување