Филков - Гир: Спроведувањето на реформската агенда приоритет на државата
Состојбата со тековните и планираните реформски чекори во судството, евроинтегративните процеси, Стратегијата за реформи во правосудството 2024-2028, состојбата со Судскиот совет, затворите, како и борбата против корупцијата и организираниот криминал, биле теми на разговор на денешната средба на министерот за правда Игор Филков со шефот на делегацијата на ЕУ во земјава, Дејвид Гир.
- Во однос на законодавната агенда која треба да се реализира во периодот кој претстои се планира отворање широка јавна дебата на сите засегнати чинители во која ќе бидат слушнати мислењата на експертската и општата јавност со цел да се дојде до најдобри реформски решенија за реализација на програмските цели на Владата, се наведува во соопштението од Министерството за правда.
Министерот Филков посочил дека во изминатите 10 дена откако ја презел функцијата е информиран и целосно запознаен со процесот на преговори во делот на Поглавјето 23 „Правосудство и фундаментални права”, Планот за раст и 7-те цели од Реформската агенда, вклучување на невладините организации во дискусиите, како и активностите поврзани со реализација трите тековни проекти, еден од ЕУ и два од УСАИД.
Филков ја истакнал определбата дека спроведувањето на реформската агенда е приоритет на државата при што останува клучна поддршката од ЕУ за стабилноста на земјата со надеж за продолжување на билатералната соработка во духот на заедничките вредности.
Делегацијата на ЕУ предводена од евроамбасадорот Гир ја поздравила посветеноста кон реформската агенда и ја истакнала максималната поддршка за евроинтеграцискиот процес, како и подготвеноста за континуирана соработка и обезбедување на сета потребна помош за спроведување на клучната реформска агенда.
Ново на Сител
-
Се проверуваат битолските угостителски објекти
-
Финансиска полиција активно е вклучена во големата акција за проверка на работата на објектите
-
Таравари: Лекувањето на пациентите од пожарот во Кочани во другите држави е бесплатно
-
УНИЦЕФ: Најмалку 200 деца се убиени во Газа oткако Израел ја обнови војната оваа недела
-
Уште двајца повредени во пожарот во Кочани транспортирани во Шведска
-
Отворена истражна постапка против 27 физички и три правни лица во врска со пожарот во Кочани
-
Одреден 30 дневен притвор за Бектеши и 12 лица за пожарот во Кочани
-
Финците по осми пат најсреќната нација во светот, Македонците 86-ти на листата