Филипче: И децата кои немаат здравствено осигурување или немаат одбрано матичен лекар ќе може да се вакцинираат
Министерот за здравство Венко Филипче на својот фејсбук профил објави дека родителите или старателите доколку наидат на потешкотии при пријавување на своето дете за вакцинација на сајтот vakcinacija.mk, треба да го проверат статусот на неговото евидентирање, односно дали тоа е осигуреник во базата на Фондот за здравствено осигурување.
Оние деца кои немаат здравствено осигурување, или немаат одбрано матичен лекар, посочува министерот, исто така ќе може да се вакцинираат, а информации за термините ќе може да добијат директно на вакциналните пунктови каде ќе се одвива вакцинацијата на деца.
Како што денеска информираше Филипче, сајтот vakcinacija.mk за закажување на термини за вакцинација на децата ќе биде отворен од денеска до четврток.
-Секој родител или старател кој сака да се вакцинира неговото дете ќе треба да го пријави на веб страницата, по што ќе добие термин за вакцинација. Вакцинирањето на деца ќе започне в петок. Во системот „Мој Термин“ веќе се регистрираат малолетни лица (деца од 12 до 16 години) кои сакаат да се вакцинираат, информираше Филипче.
Ново на Сител
-
Малолетник приведен за пет тешки кражби
-
Русија предлага втора рунда директни преговори со Украина во Истанбул в понедленик
-
САД објавија нова политика за визни ограничувања против странци кои „цензурираат“ Американци
-
Собранието го донесе Законот за ратификација на Договорот со Обединетото Кралство
-
Пред нас се неколку години со екстремно високи температури - предупредија најголемите метеоролошки служби во светот
-
Извештај на ДИА: Албанската мафија добива лидерство во шверцот со кокаин
-
Средба Сиљановска-Давкова – Токајев во Астана, изразена подготвеност за унапредување на севкупните односи со Казахстан
-
Израел го потврди убиството на лидерот на Хамас