Фијон нема да се повлече од натпреварот за претседател

Кандидатот на конзервативците за претседателските избори во Франција Франсоа Фијон изјави дека нема да се повлече од натпреварот за функцијата. 

На прес-конференција Фијон истакна дека не дејствувал незаконски и подоцна денеска на социјалните мрежи ќе го обелодени неговиот имот. 

Тој сепак им се извини на Французите  „за неговите грешки“ што ги назначил сопругата и децата како парламентарни соработници. 

Фијон неведе дека не гледа причина да ги врати парите, што биле исплатени на сопругата како негов соработник. 

- Таа беше на функцијата во период од 15 години и тоа со месечна плата од чисти 3.577 евра што е целосно оправдан надомест за човек со диплома по право и литература, истакна поранешниот премиер. 

Објавувајќи дека нема да се откаже од предизборниот натпревар, Фијон изјави дека вечерва започнува нова кампања. 

- Јас сум единствениот кандидат кој е способен да постигне национално обновување, заклучи Фијон.