ФИФА потпиша договор со Нетфликс за двата следни женски фудбалски мундијали
Светската фудбалска федерација (ФИФА) потпиша договор со американската компанија Нетфликс за емитување на светските првенства за жени во 2027 и 2031 година на територијата на САД.
Договорот е најзначајниот потпишан од ФИФА за стриминг услуга за голем турнир. Вредноста не е официјално објавена.
Светските првенства вообичаено се емитуваат на бесплатни јавни мрежи за да допрат до најголемата публика.
Претседателот на ФИФА, Џани Инфантино, јавно ги критикуваше јавните радиодифузери, особено во Европа, за намалувањето на понудите за пренос на турнирот во 2023 година, кој се одржа во Австралија и Нов Зеланд. Овој Мундијал го пренесуваше Фокс во САД.
„Овој договор испраќа силна порака за вистинската вредност на Светското првенство за жени на ФИФА и за глобалниот женски фудбал“, порача Инфантино.
ФИФА најверојатно ќе го искористи договорот со Нетфликс за да започне преговори со европските радиодифузери, што ќе биде значително потешко.
Турнирот со 32 екипи и 64 натпревари во 2027 година ќе се игра во Бразил од 24 јуни до 25 јули. Домаќинот во 2031 година не е познат, но се очекува САД да се пријават за домаќин на женскиот Мундијал.
Ново на Сител
-
Мицкоски на поставување камен темелник за изградба на трговски центар во Гевгелија
-
Двајца пилоти на американската морнарица соборени во „пријателски оган“ над Црвеното Море
-
Во Сенатот на САД поднесен предлог-закон за санкции против Турција поради Сирија
-
Кина го нарече Тајван „црвена линија“ и ја осуди новата американска воена помош за островот
-
Сончево со мала до умерена локална облачност, од понеделник врнежи од снег
-
Сообраќајот се одвива во зимски услови, по претежно влажни коловози и наместа со остатоци од кашест снег
-
Осомничениот за нападот во Магдебург дејствувал сам, соопшти полицијата
-
Рама: Тик Ток повеќе нема да постои во Република Албанија