ФИФА денеска ја доделува Златната топка

Вечерва во Цирих во 18.30 часот по македонско време ФИФА на свечена церемонија ќе ја додели златната топка на најдобриот светски фудбалер за 2015 година.

Според постигнатите резултати се очекува трофејот по 5-ти пат да му припадне на Аргенитецот Меси кој со Барселона го освои шпанското првенство и куп, потоа Лигата на шампионите и светското клубско првенство како и европскиот Суперкуп. Негови противкандидати се Бразилецот Нејмар како и Португалецот Роналдо кој не освои ниту еден трофеј со Реал Мадрид. Тренерот на Барселона Луис Енрике е најсериозниот кандидат за најдобар тренер во 2015 година пред Гвардиола и селекорот на Чиле Хорхе Сампаоли.

Најдобрите ги бираат капитените и селекторите на 209 членки на ФИФА како и одбрани новинари.