Фестивал на трубите од 13 до 16 јули во Пехчево
Шесто издание на Фестивалот на трубите ќе се одржи од 13 до 16 јули во Пехчево.
Во рамки на Фестивалот на плоштадот „Св. Петар и Павле“ на 16 јули концерт ќе одржи балканската ѕвезда Саша Ковачевиќ.
- Освен Саша Ковачевиќ, на 4-дневниот фестивал на отворено ќе настапат и Миле Кузмановски, Силви бенд, дувачкиот оркестар „Џамбо Агушеви“, дувачкиот оркестар „Уска – Кан“, оркестарот на Бојан Ристиќ од Република Србија, оркестарот и мажоретниот состав од Ловеч од Република Бугарија. Покрај познатите музички имиња, во ревијалниот дел ќе настапат познати македонски и бугарски диџеи, истакна Елица Јовевска од општина Пехчево.
Пехчево за време на фестивалските денови очекува да пречека над 60 илјади гости.
- Во функција на фестивалот се ставени и сите расположиви сместувачки и угостителски капацитети. На плоштадот традиционално ќе бидат поставени штандови со скара и пиво, рече Јовевска.
Инаку, во натпреварувачкиот дел се уште трае пријавувањето на оркестрите, но како и секоја година, се очекуваат најдобрите инструменталисти од Македонија да настапат на сцената на отворено во Пехчево. Ќе бидат доделени и награди: златната труба, труба и тапан.
Како составен дел на фестивалот е и Саемот на традиционални производи и еколошка храна.
Ново на Сител
-
Руските безбедносни сили упаднале во притворниот центар и ги убиле затворениците кои држеа двајца чувари како заложници
-
Сиљановска-Давкова: Војната во Украина не е украински, туку европски и светски проблем
-
Талибанците ќе испратат делегација на претстојниот состанок во Доха за Авганистан
-
66-годишен велосипедист тешко повреден во сообраќајка во Илинден
-
Курбан Бајрам одбележуваат припадниците на муслиманската вероисповед
-
Во Владата истакнат премиерски портрет на Џафери
-
Објавени правилата на дебатата меѓу Бајден и Трамп, која ќе се одржи на 27 јуни
-
Фидан: Мировниот предлог на Путин е трошка надеж