ФА Куп: Лестер тешко до победата над Дерби

Актуелниот англиски шампион Лестер со многу мака и по два одиграни натпревари успеа да го совлада тимот на Дерби Каунти и да се пласира во осминафиналето на ФА Купот.

 

Откако првиот натпревар меѓу овие два тима заврши без победник 2-2, синоќа се одигра повторениот натпревар. И вторите 90-минути не беа доволни да се добие победникот. Реагуларниот дел заврши нерешено 1-1, а дури во продолженијата фудбалерите на Лестер го скршија отпорот на Дерби Каунти и постигнаа два гола, па со конечни 3-1 се пласираа во осминафиналето.

 

Таму Лестер за противник ќе го има Милвол против кој ќе игра на гостински терен во Лондон.

 

Во останатите натпревари од осминафиналето на ФА Купот ќе играат:

 

Барнли – Линколн,

 

Фулам – Тотенхем,

 

Блекбурн – Манчестер Јунајтед,

 

Сатон – Арсенал,

 

Мидлсброу – Оксфорд,

 

Вулверхемптон – Челзи, и

 

Хадерсфилд – Манчестер Сити.

 

Натпреварите ќе се играат од 17 до 20.февруари, а доколку нема победник ќе се одиграат повторени средби.