Европскиот суд ја одби жалбата за уставниот референдум во Турција
Евроскиот суд за човекови права денеска ја отфрли жалбата на турската опозициска Републиканска народна партија (ЦХП) за резултатите од референдумот за промена на Уставот на Турција, со што се зголемуваат надлежностите на шефот на државата.
Судот оцени дека жалбата не е во согласност со одредбите од Конвенцијата за заштита на човековите права и основните слободи и ја отфрли како неоснована.
ЦХП во жалбата бараше поништување на резултатите од референдумот со образложение дека имало „некоректно пребројување на гласовите“.
Европскиот суд нагласи дека ваквите прашања, кои се однесуваат на резултати од референдуми или избори за законодавната власт, не се во негова надлежност.
На референдумот за уставните реформи, одржан на 16 април, 51,4 отсто од турските избирачи што го искористија своето гласачко право ги поддржаа амандамните на Уставот, со кои практично Турција се трансформира од парламентарна во претседателска држава.
Опозицијата ги оспори резултатите, поради одлуката на турската Централна изборна комисија да ги признае како валидни и гласачките ливчиања на кои ги немало со закон предвидените печати.
Врходвниот суд на Турција кон крајот на април ги одби приговорите на ЦХП, по што партијата поднесе жалба до Европскиот суд за човекови права.
Ново на Сител
-
Мицкоски: Никогаш нема да го политизирам случајот во Кочани, ќе се постапува за секој што е одговорен
-
Убиени ученици и наставници во пукање во училиште во Грац, напаѓачот си го одзел животот
-
Забранет е увоз на пилешко од Бразил и на месо од мали преживари од Албанија
-
Над 12 000 инспекциски контроли, уништени околу 56 тони небезбедна храна
-
Приведени тројца тетовчани - пронајдени пиштол, стотици куршуми, дрога
-
Кривична за градоначалникот на Росоман - фалсификувал исправи, купувал алкохол, млечни и сувомеснати производи за домашна потрошувачка
-
Рама: Почнавме со подготовките за Самитот на НАТО
-
30 дена притвор за Нацев, сопственик на агенцијата за обезбедување „Рубикон“