Европската комисија потврди: Хрватска подготвена за Шенген
Европската комисија оцени дека Хрватска ги исполнила неопходните критериуми за влез во Шенген-зоната и го повика Советот на ЕУ да ја вклучи Хрватска во просторот без внатрешни гранични контроли.
„Европската комисија смета, врз основа на резултатите од шенгенскиот процес за евалуација започнат во 2016 година, дека Хрватска ги презела неопходните мерки за да ги обезбеди потребните услови за целосна примена на правилата на Шенгенот и дека се исполнети стандардите“, се наведува во денешното соопштение на Комисијата.
Хрватските напори за исполнување на шенгенските услови ги пофали и претседателот на Еврокомисијата Жан-Клод Јункер.
„Пофалби за Хрватска за нејзините напори и упорност да ги исполни сите потребни услови за влез во Шенген-зоната. Само преку зачувување на единството и преку заедништво можеме да обезбедиме посилна Шенген – зона. Затоа верувам дека земјите-членки ќе ги преземат вистинските чекори за Хрватска наскоро да стане полноправна членка на Шенген – зоната. се наведува во соопштението од канцеларијата на Јункер.
Сепак, ова не значи дека Хрватска веднаш ќе влезе во Шенген-зоната, бидејќи станува збор за политичка одлука. Бугарија и Романија уште од 2011 година имаат позитивна евалуација од Европската комисија, но се уште не се дел од Шенген просторот, бидејќи нема согласност од сите држави.
Ново на Сител
-
Исчезнатиот Миле забележан на Серта: Исцрпен и ослабнат, побегнал во шумата кога му се обратиле!
-
Поднесено обвинение за убиство при семејно насилство во Кавадарци
-
Димитриеска Кочоска: Досега од буџетот се обезбедени 30 милиони денари за настраданите во Кочани, а исплатени се 11,2 милиони
-
Славески: Ќе ја оправдам довербата, а оние кои имаат забелешки ќе ги убедам дека Народна банка била и ќе остане неазависна
-
Кривична против 2 лица од Скопје, пронашле платежна картичка и ја искористиле 30 пати
-
38-годишник пронајден починат во семејна куќа во Гевгелија
-
Приведен 27-годишник, ја нападнал поранешната партнерка и случајни минувачи
-
Сообраќајна несреќа помеѓу автомобил и мопед во Скопје, мотоциклистот се здобил со тешки телесни повреди